Pro-Urdu Blog

شہرِ محبت

2007-12-09T02:55:00.002+05:00

بہاولپور آپ کے لیے تو صرف ایک شہر کا نام ہے ۔ لیکن میرے لیے ایک ایسا لفظ ہے جو ہزاروں احساسات کو جنم دیتا ہے ۔ کبھی کبھی سوچتا ہوں کیسے سنگدل ہیں وہ لوگ جو چند مفادات کی خاطر بڑی آسانی سے اپنی جنم بھومی سے دامن چھڑا لیے ہیں ۔ یہ میرا آبائی شہر نہیں پر مجھے اپنے آباء کی طرح عزیز ہے ۔ کیوں نہ ہو ؟ اس شہر نے مجھے لمحہ پیدائش سے اب تک صرف جینے کا سامان ہیں نہیں بلکہ مخصوص انداز فکر ، سوچ ، خواہشات ، اپنے ، پر اے ، دوست ، دشمن ، ہمساے ، ہم جماعت ، اساتزہ ، شاگرد اور یہ سفید پوشی ، غرض سب کچھ ورثے میں دیا ہے ۔ یہ بھی تو ورثہ ہے جو دولت اور خاندانی نام سے زیادہ قیام پزیر ہے ۔ دولت تو آپ کو چھوڑ سکتی ہے لیکن وہ مخصوص انداز فکر نہیں جو ایک شہر میں برس ہا برس رہنے سے پروان چھڑھتی ہے اور آپ کی فطرت ثانیہ بن جاتا ہے ۔پھر تمام عمر آپ اس مخصوص انداز فکر سے دنیا کو دیکھتے ہیں اور دوسروں کو بھی اسی انداز میں سوچنے کا مشورہ دیتے ہیں ۔ کسی بھی شہر میں پنپنے والی یہ مخصوص انداز فکر شہریوں کے رویے متعین کرتی ہے ۔ اور لوگوں کے یہ اجتمائی رویے انہیں کی قسمتیں لکھتے ہیں ۔ اجتمائی رویے قدرتی یا حقیقت پر مبنی ہوں تو قسمت بنتی ہے ورنہ بگڑ جاتی ہے ۔ غلط اجتمائی رویے رکھنے والا شہر ، شہر محبت نہیں ہوتا بلکہ ایسے شہر کی ماند ہوتا ہے جسے انسانی خودغرضی نے جیتے جاگتے قبرستان میں تبدیل کر دیا ہو ۔شہر مکانوں سے نہیں ، مکینوں سے آباد ہوتے ہیں ۔ انہیں کی آمد سے بستے ہیں اور انہیں کے چلے جانے سے اجڑ جاتے ہیں ۔ یہ انسانی زندہ دلی ہے جو ایک شہر میں جان ڈالتی ہے ۔ کبھی کبھی سوچتا ہوں کہ بیتے زمانوں کے قدیم شہر محبت کتنے زندہ تھے ۔ جنہوں نے کئی ایک لازوال تہزیبوں اور مزاہب کو جنم دیا ۔ آج کے یہ جدید شہر کتنے مردہ ہیں ۔ جن کی تجوریاں روپے پیسے تو اگلتی ہیں لیکن یہاں فکروعمل کی شمعیں روشن نہیں ہوتیں ۔ دور جدید کے ان مردہ شہروں میں انسان مشین کی طرح روز وشب کام کرتا ہے اور پھر ناکارہ پرزے کی طرح ٹوٹتا ہے اور بکھر جاتا ہے ۔ ایسے انسان کو بھلا کون زندہ کہے گا ؟ جو سانس تو لے لیکن اس کا دل مردہ ہو ۔ ایسے انسان کو بھلا کون شخص کہے گا ؟ جس کی شخصیت کی خودغرضی اور لالچ نے دھجیاں بکھیر دی ہوں ۔ ایسے انسان میں روح کی موجودگی کا کون ثبوت دیگا ؟ جس کی روح کی روحانیت کو نفسانی خواہشات کی اندھی تقلید نے مجروح کر دیا ہو ۔ روح ، روح سے لگاو رکھتی ہے ۔ اسی طرح روحانیت ، روحانیت کو پہچانتی ہے اور اس سے قربت حاصل کرنے میں ایسے ایسے مقام طے کرتی ہے جن کی موجودگی کو بے روح ، نیم مردا دل کبھی سمجھ نہیں پایا ۔ جو دل ، شہر محبت میں بسی اس روحانت کو پہچانتا ہے ، ہم اسے دل بینا کہتے ہیں ۔ ایسے ہی دل بینا کو ہر انسان میں بیدار کرنے کی آس میں حضرت اقبال لکھتے ہیں عقل گو آستاں سے دور نہیں اس کی تقدیر میں حضور نہیں دل بینا بھی کر خدا سے طلب آنکھ کا نور ، دل کا نور نہیں علم میں بھی سرور ہے لیکن یہ وہ جنت ہے ، جس میں حور نہیں کیا غضب ہے کہ اس زمانے میں ایک بھی صاحب سرور نہیں ایک جنوں ہے کہ باشعور بھی ہے ایک جنوں ہے کہ با شعور نہیں ناصبوری ہے زندگی دل کی آہ ! وہ دل کہ جو ناصبور نہیں بے حضوری ہے تیری موت کا راز زندہ ہو تو تو بے حضور نہیں حضرت اقبال کی اس مشہور غزل میں ناصبوری ( بے چینی ) کو دل کی زندگی کہا گیا ہے ۔ دل بینا کی ایک مخصوص خاصیت یہ بھی ہے کہ وہ اچھائی کو اپناتا ہے اور برائی سے دور بھاگتا ہے ۔ دل بینا کی یہ خواہش ہوتی ہے کہ وہ بھلائی کرے اور دوسروں کو بھلائی کرنے میں مدد دے اور برائی کو روکے اور دوسروں کو بھی برائی کو روکنے میں مدد دے ۔ کیونکہ زندگی تو یہی ہے جو بھلائی پھیلانے اور برائی ختم کرنے میں صرف ہو ۔ دل ہر وقت نیکی کرنے اور گناہ سے بچنے کے لیے بے چین رہے ۔ یہی جنوں دراصل باشعور جنوں ہے ۔ ہم میں سے کئ ایک " اہل دل " ایسے ہیں جو دنیا میں برپا فسق و فجور کو رات دن دیکھتے ہیں لیکن پھر بھی اپنے دلوں کو پرسکون پاتے ہیں ۔ اپنے دل کے اس سکون کو وہ روحانت سمجھ بیٹھے ہیں ۔ کون ہے جو ان کے " نادان دل " کو یقین دلاے کہ اس عزاب کی گھڑی میں یہ سکون روحانی نہیں بلکہ شیطانی ہے ۔

دس خوبصورت ترین سائٹس

2007-11-17T00:17:00.000+05:00

نیٹ گردی کرتے ہوۓ مجھے کچھ ایسی سائٹس کا تعارف پڑھنے کو ملا جو مصنف کے بقول خوبصورتی میں اپنی مثال آپ ہیں ۔ مصنف نے ساتھ یہ بھی بیان کیا ہے کہ اس نے ان ہی ویب سائٹس کو خوبصورت ڈیزائن رکھنے کا درجہ کیوں دیا ۔

متعلقہ ربط تک جانے کے لیے یہاں کلک کریں ۔

بلاگز پر حاضری خبررساں اداروں سے زیادہ ہے ۔

2006-11-27T01:16:00.000+05:00

میں آج ایلیکسا کی سائٹ پر گیا اور وہاں پر میں نے ایک مشہور بلاگز کی کمپنی بلاگرز پر آنے والی انٹرنیٹ ٹریفک کا موازنہ بی بی سی اور سی این این سے کیا تو نتیجہ اس گراف کی ضروت میں سامنے آیا ۔ میں پہلے ہی سے جانتا تھا کہ لوگ آج کل بلاگ زیادہ پڑھتے ہیں لیکن میرے گمان میں بھی نہ تھا کہ خبر رساں اداروں کی سائٹس پر حاضری بلاگز سائٹس کی نسبت اتنی کم ہوگی ۔

صدر مشرف کی کتاب اور بی بی سی کا رد عمل

2006-09-26T22:20:00.000+05:00

صدر پاکستان نے اپنی زندگی اور اپنے خیالات کو مربوط انداز میں پیش کرنے کے لیے ایک کتاب لکھی ہے ۔ میں محسوس کرتا ہوں کہ اس خبر کے سلسلے میں بی بی سی اردو سروس کی ابتدائی ریپورٹس اس کتاب کے خلاف سی تھیں اور صاف دکھائی دیتا تھا کہ ہر طرح کی کوشش کی جا رہی کہ لوگوں کو اور خاص طور پر پاکستانی عوام کو اس کتاب کے سلسلے میں گمراہ کیا جاۓ ۔ میرے خیال میں کتاب لکھنا کوئی برا فعل نہیں ہے ۔ اور کتاب میں اپنے خیالات پیش کرنا بھی برا نہیں ۔ تو پھر ایسا کیوں ہے کہ اسے متنازع بنایا جاۓ ۔کتاب پڑھنے کے لیے لکھی جاتی ہے ۔ لوگوں کو اسے پڑھنے دیا جاۓ اور پھر پول وغیرہ کراۓ جائیں ۔

یہ ایک الگ بات ہے کہ کتاب کو جتنا متنازع بنا کر پیش کیا جاۓ گا اتنا ہی اس کے لیے لوگوں میں اس کا مواد پڑھنے کے لیے دلچسپی بڑھے گی ۔ لیکن کتاب پاکستان میں مقبول ہونے کی صورت میں اب رپورٹنگ کسی حد تک سنجیدہ کی جا رہی ہے ۔ جو بی بی سی کے صفحات دیکھ کر محسوس کیا جا سکتی ہے ۔

یہ تحریر نا مکمل حالت میں غلطی سے اردو ٹیکنالوجی بلاگ میں پوسٹ ہو گئی تھی ۔ جس کے سلسلے میں معذرت قبول کیجیے ۔

پاکستان سے بلاگ تک رسائي حاصل کرنے کے لیے نیچے دیے گے ربط کو استعمال کریں ۔

http://www.pkblogs.com/shameelblog

میری زندگی کی اولین نعت

2006-05-31T20:26:00.000+05:00

یہ میری زندگی کی اولین نعت ہے ۔ یہ نعت میں نے حضور کے واقع معرج کے سلسلے میں لکھی ہے ۔ اس میں ، میں حضور کی تعریف کرتا ہوں اور ان کی عظمت بیان کرتا ہوں اور ساتھ ہی اس دنیا کی بے سباتی بھی کہ کیا ہی سمجھدار لوگ ہیں جو اس دنیا کو ایک قید خانے سے بڑھ کر اہمیت نہیں دیتے ۔ یہی لوگ صحیح مانوں میں روز قیامت کے دن کامیاب ہوں گے یعنی بادشاہ ہوں گے ۔ اللہ نے اس دنیا کو ورثے میں فانی زمانے دیے ہیں ۔ جو آتے ہیں اور چلے جاتے ہیں ۔ اسی طرح ایک دن زمین بھی ختم ہو جاۓ گی ۔

میں نے اس نعت میں " درخشاں ستارے " ان نبیوں اور رسولوں کے کہا ہے جو حضرت محمد سے پہلے آۓ تھے ۔ لیکن معراج کے موقع پر وہ بھی حضور کے مقتدی بنے اور حضور ان کے امام ہوۓ اور ان کو جماعت کروائي ۔ یعنی اس سے حضور کی شان کا اندازہ ہوتا ہے ۔

امید ہے آپ سب احباب کو یہ میری اولین نعت پسند آۓ گي ۔ آپ احباب کی راۓ کا مجھے بے چینی سے انتظار رہے گا ۔

میری اس اولین نعت کی اصلاح جناب اعجاز عبید صاحب نے کی ہے ۔ اس سلسلے میں ان کا بہت شکر گزار ہوں ۔ اصلاح کے سلسلے میں کچھ اور حتمی کانٹ چھانٹ ابھی جاری ہے

پاکستان سے بلاگ تک رسائي حاصل کرنے کے لیے نیچے دیے گے ربط کو استعمال کریں ۔

http://www.pkblogs.com/shameelblog

میں نے اپنے بلاگ میں ایک نیا پول ( راۓ شماری ) شامل کی ہے ۔ جس میں قارین سے پوچھا گیا ہے کہ وہ پاکستانی خبروں کے لیے کس خبر رساں ادارے کی خبریں سننا پسند کرتے ہیں ۔ براہ مہربانی ، آپ اس راۓ شماری میں ضرور شامل ہوں ۔ شکریہ !

مبارک بلاگرز مبارک

2006-05-04T01:47:00.000+05:00

بلاگ سپاٹ پر پابندی پاکستان میں ختم کر دی گئی ہے ۔

میرا اولین شعر

2006-04-21T19:58:00.000+05:00

یہ ایک حقیقت ہے کہ اگر آپ میں کچھ کرنے کا جذبہ ہو تو آپ ایک نہ ایک دن وہ کام کر ہی لیتے ہیں ۔ میری یہ خواہش تھی کہ میں شاعری کروں لیکن شعر کیسے کہا جاتا ہے ، اس بارے میں علم نہ تھا ۔ اس سلسلے میں ہندوستان کے اردو کے مشہور شاعر جناب اعجاز اختر صاحب اور جناب تفسیر صاحب نے میری بڑی حوصلہ افزائی کی ہے ۔ ان کی ہی حوصلہ افزائی کی ہی بدولت دو تین دن پہلے میں نے اپنی زندگی کا اولین شعر بنایا ہے ۔ اس شعر کی تصحیح جناب اعجاز صاحب نے کی ہے ۔ اس سلسے میں ان کا بہت ممنون ہوں ۔ امید ہے آپ احباب کو بھی پسند آۓ گا ۔

کڑی فول

2006-04-05T00:16:00.000+05:00

جیسا کہ آپ جانتے ہیں کہ یکم اپریل کو" فرسٹ اپریل فول " منایا جاتا ہے ۔ موقع کی مناسبت سے امی جان کے سکول میں بھی بچوں نے اس دن کا اہتمام کیا ۔ اپنے ساتھیوں کو طرح طرح سے فول بنانے کی تراکیب کہاں کہاں سے نکالی گئیں تھیں ۔ اس سلسلے میں نویں جماعت کی طالبات نے انوکھی ترکیب نکالی ۔ وہ یہ تھی کہ کڑی تیار کی جاۓ ۔ اس سلسلے میں سب طالبات کی نگاہیں معروف امور کھانا داری جنابہ مریم صاحبہ کی طرف تھی ۔ مریم اپنی ہم جماعت ساتھیوں میں عمدہ کھانا بنانے کے سلسلے میں جانی جاتی ہیں ۔ مریم نے امی جان کے پاس آ کر سکول کے اساتذہ کو فول بنانے کے سلسلے میں اجازت طلب کی ۔امی جان نے بخوشی اجازت دی اور لڑکیوں نے سکول کے کچن کی راہ لی ۔ بڑی ہی محنت سے یہ کڑی تیار کی گئی اور فون پر مجھے بلوایا گیا ۔ میں اس وقت سنٹرل لائبریری میں انگریزی رسالے پڑھنے میں مشغول تھا ۔بچیوں کی ہوم اکنامکس کی وجہ سے سکول میں دعوتوں کا ہونا عام سی بات ہے ۔ میں دعوت کی خبر کہیں بھی سنوں فوری طور پر سکول پہنچتا ہوں اور بچیوں کو امور کھانا داری میں نمبر دلوانے کے لیے میں دیگر استانیوں کی مدد بھی کرتا ہوں ۔اس طرح استانیوں کی مدد بھی ہو جاتی ہے اور مجھے انواع و اقسام کے لذیذ کھانے کھانے کو مل جاتے ہیں ۔مگر میں نے اردو محفل پر گوناگوں مصر وفیات خود سے پیدا کر لی ہیں ۔اسی وجہ سے اکتیس مارچ کی ساری رات جاگتے گزری اور ذہن میں بالکل بھی خیال نہ رہا کہ اگلی صبح ہی اپریل فول ہے ۔اپریل فول کے دن کی حشرسامانیوں سے قطع نظر میں خوشی خوشی سکول پہنچا اور شاید " وقت " سے پہلے ہی سکول پہنچ گیا ۔ امی جان کے آفس پہنچا تو مذکورہ بچیوں کو کچھ پریشان پایا ۔ میں سمجھ گیا کوئی الٹی بات تو ضرور ہونے جا رہی ہے ۔ پر اس کے بعد وہ وقت بھی آن پہنچا جس کا سب کو شاید کب سے انتظار تھا ۔ بچیاں بڑے خوبصورت انداز میں کڑی بمعہ دوسرے تکلفات آفس میں آ گئیں ۔ مجھے دال میں کچھ کالا لگا ۔ وہ یوں کہ کھانا داری تو پہلے بھی ہوا کرتی تھی ، پر اتنی محبت سے مجھے کڑی کھانے کی فرما‏ئش نہیں کی جاتی تھی اور تو اور آج تو کم گوہ " مریم " صاحبہ بھی بار بار کہ رہی تھیں " شامی بھائی ! پلیز ، ٹرائی تو کریں نا ؟ میں نے کہا کہ بھئی بات صاف ہے ۔ موقع بھی ہے ۔ دستور بھی اور رسم دنیا بھی ۔ ہونا ہو آپ مجھے فول بنانے کے چکروں میں ہیں ۔ اور ویسے بھی میں نے " باجی جیو جٹی " ( سکول کی ایک ملازمہ ) کو ابھی ابھی چاۓ بنانے کو کہا ہے ۔ مجھے فی‌الحال چا‌ۓ کے سوا اور کچھ نہیں چاہیے ۔ میری طرف سے مکمل طور پر مایوس ہو کر بچیاں ریاضی کے استاد جناب سید سقلین صاحب کے پاس گئیں اور وہ با آسانی کڑی فول بن گۓ ۔ جیسے ہی ان کے سامنے انتہائی خشبودار کڑی پیش کی گئی تو ان کے منہ پانی صاف دکھائی دے رہا تھا ۔ سر نے بڑے چاؤ سے کڑی کے ساتھ آٹے کا بنا ہوا پکوڑا نکالا اور سیدھا منہ میں ڈال لیا ۔ اس کے بعد جو ہونا چاہیے تھا وہی ہوا ۔اس کے بعد طبعیات کی استانی صاحبہ جنابہ صبا فاروق کو بھی فول بنایا گیا ۔ مس صبا کو فول بنانے کی کاروائی تو امی جان کے آپس میں بجالائي گئی ۔ میں نے بچیوں سے کہا کہ صبا صاحبہ کی فولنگ سے پہلے میں چاہتا ہوں کہ آپ کی اس عظیم کڑی کو ہمیشہ کے لیے تصویر میں قید کر لوں ۔ اس کے لیے مجھے گھر سے کیمرہ لانے دیجیے ۔ لڑکیوں سے اجازت پا کر میں فوراً گھر گیا اور کیمرہ لے آیا اور اوپر والی تصویر میں کڑی کو ہمیشہ ہمیشہ کے لیے قید کر لیا ۔ بعد میں معلوم ہوا کہ یہ کڑی ہلدی اور آٹے سے تیار کی گئی تھی ۔ یہی وجہ تھی کہ بہت سے اساتذہ سکول میں جا بجا تھوکتے اور الٹی کرتے پاۓ گئے ۔

صالحہ کا نغمہ سماعت کیجیے

2006-02-19T03:43:00.000+05:00

صالحہ کی عمر ساڑے چار سال ہے ۔ صالحہ ہمارے این آئزک سکول میں پلے گروپ میں زیر تعلیم ہیں ۔

Powered by Castpost
نوٹ !
بچی کا نغمہ سننے کے لیے اس ربط کو چھویں ۔ کیونکہ متعلقہ ایم پی تھری پلیر " اردو سیارہ " پر ظاہر نہیں ہوتا ۔
امی جان کے آفس میں جا کر ابھی بیٹھا ہی تھا کہ نرسری کلاس سے ایک بچی ( صالحہ ) کے گنگنانے کی آواز سنائی دی ۔ آواز میں ایسی مٹھاس تھی کہ مجھ سے رہا نہ گیا ۔ میں نرسری میں آیا اور اپنے ایم پی تھری پلیر کا مائکروفون بچی کے سامنے کیا اور ان سے نغمہ پھر سے گنگنانے کی فرمائش کی ۔ بچی نے میرا کہا مانا اور گیت گانے لگی ۔ ایسی دوران میں نے یہ تہیا کیا کے ان کا یہ ملی نغمہ میں انٹرنیٹ پر نشر کروں گا ۔

میری والدہ کے سکول ، این آئزک پبلک سکول ( جونیر بار انچ ) میں ایک تقریب کی آمد آمد ہے ۔ اسی سلسلے میں تیاریاں زورو شور سے جاری ہیں ۔ اس جشن میں مختلف قسم کے پروگرام پیش کیے جائیں گے ۔ ان میں ملی نغموں کا مقابلہ بھی شامل ہے ۔ نرسری کے چھوٹے جھوٹے بچے مقابلہ جیتے کی خواہش میں خوب دل لگا کر تیاریاں کر رہے ہیں ۔
قارئین سے التماس

اب قارئین سے التماس ہے کہ وہ اس بچی ( صالحہ ) کا نغمہ سن کر اس بچی کا حوصلہ بڑھائیں اور اچھے اچھے کمینٹس لکھ کر بچی کو داد دیں ۔ کچھ دنوں کے بعد ، صالحہ کے والدین بھی میرے بلاگ کا وزٹ کریں گے ۔ اپنی لا ڈلی بیٹی کی تعریف سن کر والدین کے دل کو جو راحت ملے گی اس کا اندازہ بلاشبہ آپ مجھ سے بہتر لگا سکتے ہیں ۔

ایک تقریب کی تیاری ۔

2006-02-18T02:59:00.000+05:00

امی جان ( والدہ ) کے سکول ، اين آئزک پبلک سکول ( جونیر بر انچ ) بہاولپور میں ایک تقریب منعقد ہو رہی ہے ۔ اور جونیر بر انچ کے تمام کم سن طالب علم اس تقریب کی تیاری میں مصروف ہیں ۔ میں نے اس موقع پر موجود چند طالب علم بچوں کی تصاویر اتاری ہیں ۔

بھولے بچوں کی مدد کے لیے سکول کی دوسری ( ہائیر بر انچ ) سے ششم ، نویں ، دسویں اور ایف اے کی چند طالب علم ( باجیاں ) بھی آئی ہوئیں ہیں ۔

مائیکروسوفٹ پاور پوائنٹ اردوMicrosoft Power Point Urdu

2006-02-18T02:33:00.000+05:00

مائیکروسوفٹ پاور پوائنٹ پر میں نے شعر لکھا ہے ۔

سلسلےوار انگریزی ڈرامے " لوسٹ " کا پہلا موسم ( First Season Of Lost Series )

2006-01-27T15:13:00.000+05:00

میں یہ بات پورے وسوخ سے کہ رہا ہوں کہ جس کسی نے بھی سلسلےوار انگریزی ڈرامے "
لوسٹ " کے پہلے موسم (Fist season of Lost series ) کو نہیں دیکھا ، وہ اس زمین پے سب سے زیادہ پسندیدگی سے دیکھے جانے والے اور کسی بھی ڈرامے سے زیادہ بحث کا موضوع بننے والے سلسلے وار ڈرامے کو دیکھنے سے محروم رہا ۔

یہ سلسلےوار انگریزی ڈرامہ پچھلے سال انتہائی جانے مانے مغربی ٹیلی وزن چینلز پر دکھایا گیا اور کامیابی کے جھنڈے گاڑتا ہوا سٹار موویز کے توسط سے پاکستانی اور ہندوستانی عوام کی نظروں کے سامنے جلوہ افروز ہوا ۔ پر یہ الگ بات ہے کہ میں بدنصیب اپنی گوناگوں مصر وفیات کے سبب اس سلسلے کو نہ دیکھ پایا ۔ لیکن لوسٹ کے سلسلے کے پہلے موسم کی 7 ڈی وی ڈی کا سیٹ اب بازار میں دستعاب ہے ۔ میں بھی اس مشہور زمانہ انگریزی ڈرامے کا سیٹ بازار سے لے آیا ہوں ۔ اور گزشتہ 5 دن سے مسلسل 7 ڈی وی ڈیز کو دیکھنے میں مصروف رہا ہوں ۔
اب مغربی ممالک کے لوگ اس سحرانگیز سلسلےوار ڈرامے کے دوسرے موسم ( second season of lost series ) کا مزہ لے رہے ہیں ۔ امید ہے دوسرا موسم بھی سٹارمویز کی راہ جلد دیکھ لے گا ۔ اور برصغیر کے لوگ بھی اس ڈرامے کے دوسرے موسم کے سحر سے مستفید ہوں پائنگے ۔

ڈی وی ڈی پر ہونے کے سبب ڈرامہ انتہائی عمدہ مناظر لیے ہوۓ ہے اور ہاتھ کے ہاتھ یہ سراونڈ ساونڈ کے خواص بھی اپنے اندر شامل کیے ہوۓ ہے ۔جس کے سبب اس سیٹ کے ذریعے آپ ٹیلی وزن کے کسی بھی چینل سے کہیں زیادہ عمدہ تفریح پاتے ہیں ۔

نوٹ!
ڈرامہ " لوسٹ " کے مناظر میں نے انلیڈ ڈی وی ڈی پلیر نامی سافٹ ویر کی مدد سے محفوظ کیے ہیں ۔

" لوسٹ " کی کل کہانی کا خاکہ ۔
ڈرامہ سیریل لوسٹ کی شکل میں جے جے ابراہیم ایک ایکشن سے بھر پور مہم جوئی ہمارے سامنے پیش کرتے ہیں ۔ یہ جے جے ابراہیم وہی ہیں جنہوں نے ایلیس اور ڈیمنڈ لین لوف جیسے شاندار ڈرامے تخلیق کیے ۔ یہ ڈرامہ ان لوگوں کے بہترین اور بدترین کارنامے ہمارے سامنے پیش کرتا ہے جو کسی جزیرہ پر بدقسمتی سے کھو جاتے ہیں ۔

کہانی کی شروعات کچھ اس طرح سے ہوتی ہے ۔

بےہوشی ٹوٹنے پر " جیک " ( میتھیو فوکس ) ایک گہری تکلیف کو محسوس کرتا ہے ۔

اور اسےچمکتا ہوا سورج ۔ بانس کا جنگل ۔ کہیں دور سے اٹھتا ہوا دھواں اور لوگوں کی چیخ و پکار سنائی دیتی ہے ۔

اور یکلخت " جیک " کو یہ خطرناک احساس ہوتا ہے کہ وہ جس ہوائی جہاز میں کچھ دیر پہلے سفر کر رہا تھا وہ حادثے کا شکار ہو گیا ہے ۔

اسی لمحے اس کا دل اسے یاد دلاتا ہے کہ وہ پیشے کے اعتبار سے ایک ڈاکٹر ہے اور مصیبت میں گھیرے ان لوگوں کو اس کی مدد کی اشہد ضرورت ہے ۔

اپنا سب کچھ کھو چکے 48 مسافر مقدور بھر کوشش کرتے ہیں کہ وہ ٹوٹے ہوۓ جہاز سے کام کی اشیا باہر نکال لیں تاکہ چند دن کے لیے ان کے جینے کا سامان ہو جاۓ ۔ کچھ مسافر سخت دل برداشتہ ہو جاتے ہیں ۔ اور کچھ کلی طور پر بیرونی امداد کے پہنچنے کا انتظار کرتے رہتے ہیں ۔ لیکن چند مسافر ایسے بھی ہوتے ہیں جو اس نفسانفسی کے عالم میں اپنے اندر چھپی ہوئی ان صلاہتوں کو جان جاتے ہیں ، جن کی موجودگی کا انہیں کبھی بھی عم نہ تھا ۔ مثال کے طور پر جیسا کہ " کیٹ " ( ایوان جی لین للی ) ۔

" کیٹ " کسی بھی قسم کی طبی تعلیم نہ جاننے کے باوجود بھی ڈاکٹر " جیک " کی پیٹھ پر گہرے زخم پر ٹانکے لگاتی ہے ۔ " کیٹ " نے پہلے کبھی بھی ایسا نہیں کیا تھا ۔

" ہرلے " ( جورج گارسیا ) ہمیشہ ہنستہ مسکراتا دکھائی دیتا ہے چاہے جتنی بھی مصیبت کی گھڑی کیوں نہ ہو ۔ اس طرح سے وہ اپنے آپ کو جذباتی ہونے سے بچاتا ہے اور مصیبت زدہ افراد کی عین وقت پر مدد کرتا ے ۔

ڈرامے کا ایک اور کردار "چارولی" ( ڈوم نیک موناگان ) ایک ڈوبتا ہوا روک سٹار ہے ۔ پر وہ انتہائی گہرا اور تکلیف دہ راز تشت از بام کرتا ہے ۔ اسی کردار کا ایک مشہور قول ہے (?guys! where are we )

صعید ( نوین اینڈریو ) برصغیر سے تعلق رکھتا ہے ۔اور اکثر بیشتر اپنے جھگڑ الو ساتھیوں کو سبق سکھانے اور جزیرہ کی آہم مہم جوئی میں مصروف دکھائی دیتا ہے ۔

" جن " ( دانیال ڈای کیم ) اور سن ( ین جن کیم ) دونوں میاں بیوی ہیں اور کوریا کے رہنے والے ہیں پر ان کے رسم و رواج ، اقدار اور زبان باقی سب مسافروں کے لیے انجان ہیں ۔اس لیے کہانی میں اکثر یہ جوڑا اور باقی مسافر ایک دوسرے کو اپنی بات اور خیالات سمجھانے میں ہی الجھے رہتے ہیں ۔اور بہت سی غلط فہم یاں جنم لیتی ہیں ۔

" سوایر " ( جوش ہولوۓ ) کا کردار عجیب سی غیر یقینی اور خوفناکی لیے ہوۓ ہے ۔ کوئی بھی اس پر اعتبار کرنے کو تیار نہیں ہوتا ۔ اور اس بے اعتباری کے سبب سب مسافر اس سے صرف شر کی ہی توقع رکھتے ہیں ۔

" مائکل " ( ہیرا لڈ پیرنیو ) نے اپنی گشتہ بیوی کی وفات پر اپنا بیٹا " والٹ " ( مال کولم ڈیوڈ کیلی ) گود لیا ہے ۔ کہنے کو تو وہ " والٹ " کا باپ ہے پر ابھی تک وہ اپنے بیٹے کی نفسیات اور خیالات نہیں جان پایا ہے ۔

" لوک " ( ٹیری او کین ) ایک پرسرار کردار ہے جو اپنے راز اپنے آپ تک محدود رکھتا ہے اور اس جزیرے سے کسی بھی کردار سے زیادہ وابستگی پیدا کر لیتا ہے ۔

" شینن " ( میگی گریس ) کا کردار ایک خود پسند لڑکی کا ہے ۔ اسے کسی سے کوئی سروکار نہیں اور نہ ہی اسے حادثے کا زیادہ دکھ ہے ۔

" بون " ( ایان سومرحالڈر ) کا کردار ایسے بھائی کا ہے جو اپنی بہن " شینن " کی حرکات پر گہری نظر رکھتا ہے ار اس کو کنٹرول کرنے کی کوشش کرتا ہے ۔

حرف آخر

دوستوں ، دشمنوں ، کنبہ کے افراد اور انجان مسافروں کے اس ٹولے کو ستم شعار موسم اور سخت قطعہ زمین کا ایک ساتھ مل کر مقابلہ کرنا ہوگا ۔ صرف یہی بات ان کی بقا کے حق میں ہے ۔ پر یہ جزیرہ خود سے کئی راز اپنے سینے میں دباۓ ہوۓ ہے ۔ان گہرے رازوں میں ایک عجیب مخلوق کی غضبناک کراھنے کی آوازیں بھی شامل ہیں جو ان لاچار مسافروں کے خوف میں اضافے کا سبب ہیں ۔یہ عجیب مخلوق جان لیوا ہے اور چھوٹے سے جزیرے کے تمام جنگل پے قابض ہے ۔ پر خوش قسمتی سے ان کو ایک سمجھدار ڈاکٹر" جیک " اور ہشاش بشاش لڑکی " کیٹ " کی رہنمائی حاصل ہے ۔ لاچار مسافروں کی جماعت کو اپنے جوان رہنماؤں سے نیک امیدیں وابستہ ہیں ۔ لیکن ان رہنماؤں کے اپنے بھی کئی ایک راز ہیں جو مسافروں کے سامنے
لمحہ وار افشاں ہوتے چلے جاتے ہیں ۔

سلسلےوار انگریزی ڈرامے " لوسٹ " کی با ضابطہ ( Official Site ) ویب سائٹ ۔
سلسلےوار ڈرامے لوسٹ کی با ضابطہ ( Official site ) ویب سایٹ اس ربط کو چھو کے ملا خطہ کی جا سکتی ہے ۔

ایک اور تحفہ

2006-01-21T01:34:00.000+05:00

چھے دن ہوۓ امی جان نے مجھے ایک ڈیجیٹل کیمرہ تحفہ میں دیا ہے ۔ یہ کیمرہ اولمپس کمپنی کا ہے ۔ اس سے پہلے میرے پاس یاشیکا کمپنی کا ائنالاگ کیمرہ تھا ۔ اس کیمرے میں ریل ڈالی جاتی تھی اور تصاویر مہنگی پڑتی تھیں ۔ اس قدر مہنگائی کے پیش نظر تصاویر کشی پھونک پھونک کر کی جاتی تھی ۔ صرف آہم داواتوں اور سالگرہ کی تقاریب میں ہی کیمرے کا استعمال کیا جاتا تھا ۔ کئی بار دل کیا کہ ڈیجیٹل کیمرہ لیا جاۓ پر کوئی ایسا ماڈل نہ دکھا جو کم خرچ بالا نشین ہو ۔ لیکن اس ماہ خوش قسمتی نے میرے گھر کا رستہ دیکھا اور ابو جان رحیم یار خان میں واقعہ شیخ زید میڈیکل کالج میں چلے گیے ۔ ابو جان کی موجودگی میں بہت سی خواہشات اول تو دل میں رہتی ہیں اور اگر پھر بھی بیان کرنے کی کوشش کروں تو لفظ کی فصیلوں پے ٹوٹ ٹوٹ جاتی ہیں ۔ ابو جان بڑے پتھر دل ہیں ۔ اور ان سے کسی چیز کی فرمائش کرنا بھینس کے آگے بین بجانے کے مترادف ہے ۔ ابو کی غیر موجودگی کا میں نے خوب فائدہ اٹھایا اور امی جان سے پہلے سراونڈ ساونڈ سسٹم لیا اور اب یہ ڈیجیٹل کیمرہ ۔ کئی مہینوں سے اس کیمرے نے میرے دل پر ہاتھ ڈالا ہوا تھا ۔ لیکن ابو جان کی موجودگی میں امی جان سے دس ہزار روپے کی فرمائش کرنا فضول تھا ۔پر اب ایسا ممکن ہوا اور میں جھٹ سے یہ کیمرہ لے آیا ۔

یہ تصویر اس کیمرے سے کھنچی گئی اولین تصاویر میں سے ہے ۔یہ خاتون کی تصویر میری امی جان ( میڈم کلثوم ناصرہ قریشی ) کی ہے ۔

یہ کمپیوٹر ٹیبل ٹائپنگ کے دوران ہلتا ہے اس لیے کمپیوٹر کو اس ٹیبل سے ہٹا کے سٹڈی ٹیبل پر رکھ دیا گیا ہے ۔

کمپیوٹر ، سٹڈی ٹیبل پے بھی بھلا دکھتا ہے ۔

بستر کے ساتھ والی ٹیبل پر موجود گلدستے کی قریب سے ایک تصویر ۔

سٹڈی ٹیبل کی کچھ کار آمد اشیا کی تصویر جو اب کمپیوٹر ٹیبل پر رکھ دی گئی ہیں ۔

ایک دروازے کی تصویر ۔

اور یہ تصویر بھی ۔

مائیکروسافٹ آفس 2003 ( اردو ) ( چند مناظر ) حصہ دوم

2006-01-19T11:11:00.000+05:00

مائیکروسافٹ آفس کے ایک رکن ( پاور پوئنٹ ) کے چند مناظر در جزیل ہیں ۔

مائیکروسافٹ آفس 2003 ( اردو ) ( چند مناظر ) ۔

2006-01-17T12:12:00.000+05:00

مائیکروسافٹ نے اپنے کامیاب آفس 2003 کی استعمال کنندہ زبان میں اردو کو شامل کر دیا ہے ۔ اگر آپ کے پاس مائکروسافٹ آفس 2003 ہے تو اس کے انگریزی استعمال کنندہ زبان کو با آسانی اردو میں تبدیل کیا جا سکتا ہے ۔ اس عمل کو سر انجام دینے کے لیے اس ربط کو چھویں ۔ اس ربط میں دی گی ہدایات پر عمل کریں ۔

مائیکروسافٹ آفس 2003 اردو کے ترجمہ شدہ ارکان ۔
فی‌الحال آفس کے جن ارکان کی استعمال کنندہ زبان اردو میں ترجمہ کی گئی ہے ، وہ در جزیل ہیں ۔
Microsoft Office PowerPoint 2003
Microsoft Office Outlook 2003
Microsoft Office Word 2003
Microsoft Office Excel 2003

مائیکروسافٹ آفس 2003 اردو کے چند مناظر ۔
نیچے تصویر میں آفس کا خود کار " املا اور گرائمر " کی تصحیح کا نظام اشارہ کر رہا ہے کہ ایک لفظ " جن " دو دفعہ آ گیا ہے ۔

نیچے تصویر میں آفس کا خود کار " املا اور گرائمر " کی تصحیح کا نظام املا کی ایک غلطی کی طرف اشارہ کر رہا ہے ۔ کیونکہ لفظ انگریزی کے ہجے غلط ہیں ۔

نیچے تصویر میں آفس کا خود کار " املا اور گرائمر " کی تصحیح کا نظام غلط الفاظ کے نیچے خط کھینچ رہا ہے ۔

آفس کے Edit مینو کا در جزیل ترجمہ کیا گیا ہے ۔

آفس کے File مینو کا در جزیل ترجمہ کیا گیا ہے ۔

آفس کے Viewمینو کا در جزیل ترجمہ کیا گیا ہے ۔

آفس کے Insertمینو کا در جزیل ترجمہ کیا گیا ہے ۔

آفس کے Formatمینو کا در جزیل ترجمہ کیا گیا ہے ۔

آفس کے Toolمینو کا در جزیل ترجمہ کیا گیا ہے ۔

آفس کے Helpمینو کا در جزیل ترجمہ کیا گیا ہے ۔

آفس کے Preference مینو سب مینو کے در جزیل تراجم کیے گیے ہیں۔

اے دل نادان ( آن لائن سماعت کی جیے ) ۔

2006-01-10T12:42:00.000+05:00

لتا منگیشکر کا نام اردو سنگیت سسنے والوں کے لیے نیا نہیں ۔ میں لتا جی کے گیت بہت شوق سے سنتا ہوں ۔ اور ان کا یہ گیت " اے دل نادان " میرے پسندیدہ گانوں میں سے ہے ۔ امید ہے آپ کو بھی پسند آۓ گا ۔

یہ گیت 5 میگا بایٹ پر مشتمل ہے ۔ پر آسان آن لائن سماعت کے لیے میں نے اسے2۔1۔میگا بائٹ میں تبدیل کر دیا ہے ۔ اس سے مجھے اسے آن لائن کرنے میں آسانی ہوگی اور آپ کو آن لائن سسنے میں ۔

پہلا گیت صرف 600 بايٹ پر مشتمل تھا ۔ اس لیے پہلے گیت کی آواز کا معیار عمدہ نہ تھا ۔ امید ہے موجودہ گیت کا معیار سابقہ گیت سے عمدہ ہو گا ۔

نوٹ !
مطلقہ ایم پی تھری پلیر ( Mp3 Player ) " اردو سیارہ " پر ظاہر نہیں ہوتا ۔ براہ مہربانی گیت کی سماعت کے لیے یہاں کلک کریں ۔ شکر یہ

Powered by Castpost

ایک موسیقائی پوسٹ ۔

2006-01-09T16:05:00.000+05:00

یہ تجرباتی پوسٹ ایک گانا لیے ہوئی ہے ۔اس کو سن کر بتائیے کہ کیا آپ اسے با آسانی سن پاۓ ۔

نوٹ !
مطلقہ ایم پی تھری پلیر ( Mp3 Player ) " اردو سیارہ " میں ظاہر نہیں ہوتا ۔ براہ مہربانی موسیقی سماعت کرنے کے لیے یہاں کلک کریں ۔ شکریہ ۔

Powered by Castpost

من پسند فلمی مناظر ( ریکھا۔۔۔بھلا کون آپ کو بھلاپاۓ گا ) ۔

2006-01-05T23:23:00.000+05:00

فلم " پرینیتا " کے چند من پسند مناظر جو میں نے جانے مانے سوفٹ وئیر Cyberlink Power DVD Player کی مدد سےاتارے ہیں ۔

سدابہار حسن کی ملکہ ، اداکارہ " ریکھا " کا ایک دلربا انداز ۔

فلم " پرینیتا " میں ریکھا نے ایک بار ڈانسر کا کردار ادا کیا ہے اور خوب نبھایا ہے ۔

اداکارہ ریکھا اس سال 10 ا کتوبر کو 51 برس کی ہو گئی ہیں ۔ لیکن ان کا ممبئ کے ایک جانے مانے رسالے ( Mumbaiyya Magazine ) میں کہنا ہے " میں ابھی بوڑھی نہیں ہوئی ۔ میں ناچ سکتی ہوں ، تھرک سکتی ہوں ۔اور کسی بھی جوان اداکار کے مدمقابل کام کر سکتی ہوں ۔" انہوں نے مزید کہا " میں ابھی شیک بچن کے مد مقابل کام کرنے کے لیے بھی تیار ہوں ۔"

تاہم محترمہ کی نگاہیں اب اس شخص کے بیٹے پر مرکوز ہیں جو خود بھی بیس سال پہلے ریکھا کے عشق میں گرفتار تھا ۔ یعنی ؟۔۔۔۔۔۔۔۔جی ہاں امیتاب بچن ۔

اداکارہ ریکھا ، جانے مانے اداکار جیمنی گنیشن اور اداکارہ شوشپا ولی کی بیٹی ہیں ۔ ان کے والدین ابھی فلمی ستارے ہی تھے کہ فلمی سٹوڈیو ریکھا کے لیے کھیل کا میدان بن گیا ۔ریکھا نے تیرہ سال کی عمر سے ہی اداکاری شروع کر دی ۔اس قدر کم سنی میں ریکھا کو ہندی نہیں آتی تھی ۔لیکن ریکھا نے صرف تین ماہ میں ہندی سیکھ لی اور ایک ماہ ہی میں رقص کے اسرارو رموز سے واقفیت بھی حاصل کر لی ۔ان کی پہلی فلم ( ساون بھادو ) سن 1971 میں منظرعام پر آئی ۔ اس فلم میں ریکھا نے ناوین میسکول کے مدمقابل کام کیا ۔ مگر پورے انیس صد ستر کی دہائی میں ریکھا ایک غیر آہم ہستی اور درمیانے درجے کی اداکارہ مانی جاتی تھیں ۔

لیکن انیس صد اسی کی دہائی میں ریکھا نے اپنی قسمت ہمیشہ ہمیشہ کے لیے بدل ڈالی ۔ یوگا اور میک اپ کے عمدہ استعمال سے ریکھا ایک حیران کن تبدیلی سے گزریں ۔ یہ تبدیلی ناصرف جسمانی تھی بلکہ زہنی بھی تھی ۔اس تبدیلی نےگول مٹول جسم اور سانولی رنگت رکھنے والی ریکھا کو انتہائی جازب نظر بنا دیا ۔اس تبدیلی نے ریکھا کی شبہیہ کو بالی وڈ میں مزید بہتر کیا ۔ اور ریکھا پوری اسی کی دہائی میں صف اول کی اداکارہ کہلوائیں ۔

اسی کا عشرہ وہ وقت تھا جب امیتاب ، ریکھا کی زاتی اور پیشہ وارانہ زندگی میں داخل ہوۓ ۔ ان کی کامیاب فلموں جیسے ( مقدر کا سکندر ) ( مسٹر نٹور لال ) ( خون پسینہ ) اور ( سلسلہ ) نے ریکھا اور امیتاب کو ہندی سینیما کی کامیاب ترین جوڑی بنا دیا ۔ ریکھا کی سب سے یادگار فلم ( امراؤ جان ) ہے ۔ اس فلم میں انہوں نے درباری طوائف کا کردار اس کمال مہارت سے نبھایا کہ فلم بینوں کو کلاسیکی رقص میں ریکھا کی مہارت کو تسلیم کرنا پڑا ۔ اس فلم کے بعد ریکھا نے بیس سے زیادہ فلموں میں کام کیا ۔ ان فلموں میں یش چوپڑا کی بے حد مقبول فلم ( سلسلہ ) بھی شامل ہے ۔

مجھے آج موسیقی نے چاروں جانب سے گھیر لیا ۔

2005-12-30T11:55:00.000+05:00

مجھے امی جان اور بھائی نبیل قریشی نے مشترکہ طور پر میری صحت یابی کی خوشی میں یہ خوبصورت 5.1 سراونڈ ساونڈ سسٹم تحفہ میں دیا ہے ۔ آج واقعی میں محسوس کر رہا ہوں کہ مجھے یہ پہلے ہی خرید لینا چاہیے تھا ۔ میں نے ابھی ایک ہندی فلم " پرینیتا " دیکھی ۔ فلم " پرینیتا " ایک ڈی وی ڈی کی شکل میں دو ماہ سے میرے پاس موجود تھی ۔ لیکن اس سراونڈ ساونڈ سسٹم کی بدولت میں اس فلم کو ایک نۓ زاویے سے دیکھ رہا ہوں ۔ واقعی آوازیں ہماری روز مرہ کی زندگی میں اہم کردار ادا کرتی ہیں اور سراونڈ ساونڈ سسٹم گھر پر فلم دیکھنے والوں اور موسیقی سننے والوں کے لیے آب حیات سے کم نہیں ۔ اب ایسا محسوس ہوتا ہے کہ میں بھی فلم کا ایک کردار ہوں ۔ کیونکہ آوازیں اب مجھے چاروں جانب سے آتی محسوس ہوتی ہیں ۔ پہلے میرے پاس 2.1 ساونڈ سسٹم تھا ۔ لیکن یہ فلم 5.1 سراونڈ ساونڈ سسٹم کو زہن میں رکھ کر تیار کی گئ ہے ۔ اس لیے میرا سابقہ ساونڈ سسٹم ان آوازوں کی تشریح کرنے سے قاصر تھا ۔ لیکن اس 5.1 سراونڈ ساونڈ سسٹم کی بدولت آج واقعی مجھے موسیقی / آوازوں نے چاروں جانب سے گھیر لیا ہے ۔

اِک بے وفا ( قدیر احمد رانا ) کے نام !

2005-12-22T15:04:00.000+05:00

منزلیں بھی اُس کی تھیں راستہ بھی اُس کا تھا
اِک میں ہی اکیلا تھا قافلہ بھی اُس کا تھا

ساتھ چلنے کی سوچ بھی اُس کی تھی
راستہ بدلنے کا فیصلہ بھی اُس کا تھا

آج تنہا ہوں تو دِل یہ سوال کرتا ہے
لوگ تو تھے ہی ا ُس کے، کیا خُدا بھی اس کا تھا ؟

اب کچھ مستنصر حسین تارڑ صاحب کے قلم سے بھی !

2005-12-20T21:20:00.000+05:00

دیکھیۓ ! مستنصر حسین تارڑ صاحب نے کتنے رومانوی (Romantic ) انداز میں اپنی ہی کتاب " بہاؤ " کے اندرونی صفحہ پر میرے بارے میں کیا لکھا ہے ؟ اور اپنے دستخط کیے ہیں ۔

اس کے علاوہ مستنصر حسین تارڑ صاحب کی کل چار کتابیں میرے پاس ہیں ۔ ہر کتاب پر مستنصر صاحب نے کم و بیش کچھ اس سے ملتا جلتاہی لکھا ہے ۔

درد اور دوا۔۔۔۔۔؟

2005-12-17T23:46:00.000+05:00

کوئی تو ایسی سردیاں آئیں جن میں مجھے اس سردی ، نزلہ اور زکام کی بیماری سے پالا نہ پڑے ۔ادھر سردیاں آئی نہیں کہ اس بیماری کی شروعات ہوئی ۔ پہلے تو خیال تھا کہ کچھ دنوں میں خود بخود ہی ختم ہو جاۓ گی ۔ لیکن یہ بیماری طول پکڑتی گئ ۔ ڈاکٹر صاحب کے پاس جانا ہوا توانہوں نے ٹھک سے ایک انجیکشن میرے بائیں مونڈھے پر رسید کروایا اور ساتھ ہی رنگ برنگی گولیاں کھانے کو دیں ۔

ڈاکٹر الطاف ملک ، انجیکشن لگانے کے سلسلے میں کافی مشہور ہیں ۔ اس لیے ڈاکٹر صاحب کے پاس جاتے ہوۓ مجھے یہ غلط فہمی بالکل نہ تھی کہ اس بار انجیکشن لگوانے کی " روائتی " اور میرے لیے " انتہائی تکلیف دہ " رسم سے مجھے چھٹکارا حاصل رہے گا ۔ جیسے ڈاکٹر صاحب انجیکشن لگانے کے سلسلے میں " جانے جاتے " ہیں ، بالکل اسی طرح ان کے کمپاونڈر کچھ پڑھے لکھے حلقوں میں ایک ہی انجیکشن سے ایک دن میں تمام کے تمام سادہ لوح مریضوں کو " نمٹانے " میں مشہور ہیں ۔ اسی خدشے کے پیش نظر میں نے ابو جان سے کہا کہ ہم ڈاکٹر صاحب کے پاس ایک عدد انجیکشن خود سے خرید کے لے جائیں گے ۔ لیکن ابو جان نے اسے میرا ایک وہم قرار دیا ۔ اور میں خاموشی سے ابو کے ساتھ ہو لیا ۔ ڈاکٹر صاحب کے یہاں جیسے ہی میرے مرض کی تشخیص ہوئی اور جوں ہی انہوں نے ڈاکٹر پیڈ پر اپنے " خط شکشتہ " سبط کیے ، مجھے بخوبی علم ہو گیا ڈاکٹر صاحب نے میرے " درد " کي کیا " دوا " کی ہے ۔ میں جھٹ سے کمپاونڈر کی جانب دوڑا ۔ وہاں پہنچ کر میں نے کہا " بھائی! خدارا میرے لیے سیل بند انجیکشن ہی استعمال کیجیے " ۔ ان کے جواب کا انتظار کیے بغیر ہی میں نے ایک عدد سیل بند انجیکشن تھالی سے اٹھایا اور ان کے ہاتھ میں تھما دیا ۔ کمپاونڈر نے کہا " شامی! تمہیں ہمیشہ ہی مجھ پر شک رہا ۔ شک کا کوئی علاج نہیں ۔ یہ بتاؤ تمہیں کیسے علم ہو گیا کہ میں تمہیں انجیکشن ہی لگانے والا ہوں ۔" اس بات کا جواب ، میں نے بچوں کی سی معصومانہ مسکراہٹ سے دیا ۔ شاید اسی سے انہیں بھی یاد آگیا ہوگا کہ وہ مجھے بچپن ہی سے انجیکشن لگاتے آۓ ہیں ۔

اب انجیکشن لگانے کا انتہائی تکلیف دہ مرحلہ میرے سامنے تھا ۔ یہ وہ مرحلہ ہے جس میں بچپن ہی سے میری بڑی جگ ہنسی ہوئی ۔ میں طبیتنا" بہت نفیس ہوں اور ساتھ ہی بلا کا حساس بھی ۔ خون کو دیکھ لوں تو دل ڈوبنے لگتا ہے اور منہ سے " آئی " " اوئی " کی آوازیں نکلنا شروع ہو جاتی ہیں ۔ بچپن سے اب تک اسی حساسیت کے پیش نظر کبھی کسی سے ہاتھاپائی نہیں ہوئی ۔ اور نہ ہی کوئی ایساحادثہ ہوا جس سے جسم سے خون کا اخراج ہو ۔ میں نے کبھی کرکٹ ، ہاکی اور فٹ بال جیسے " حادثہ آور " کھیل نہیں کھیلے ۔ ہمیشہ ایسے کھیل کھیلے جو پر امن ہوتے ہیں اور جن کوعام طور پر صنف نازک سے منسوب کیاجاتا ہے ۔ جیسے ، سونا چاندی ہیرا موتی ، کوکلا چھپاکی جمعرات آئی اے جہیڑا اگے پچھے ویکھے اودی شامت آئی اے ، کھو کھو ، لوڈو ، سکریبل ، بینگو ، کارڈز وغیرہ ۔ کمپیوٹر میں بھی ( Myst ) یا ( Sims ) جیسی پر امن کھیلیں پسند ہیں ۔ بحرحال بڑی ہی مشکل سے انجیکشن لگوایا گیا ۔ اور اس تماشے کے دوران بہت سے مریض جو کلینک میں موجود تھے ، محظوظ ہوۓ ۔

ڈاکٹر صاحب کا علاج کوئی چار دن چلا ۔ لیکن اس علاج سے کوئی افاقہ نہ ہوا ۔ اور جسم کی حرارت ایک سو دو ڈگری سیلسیئس تک بڑھ گئ ۔ تب ابو جان مجھے ڈاکٹر احسان صاحب کے پاس لے گئے ۔ ڈاکٹر احسان بھی بچپن سے میرا علاج کرتے آۓ ہیں ۔ احسان صاحب قیمتی نسخہ لکھنے کے ماہر مانے جاتے ہیں ۔اس لیے ابو جان ساتھ میں ایک دو ہزار روپے بھی لے گئے ۔ حسب توقع انتہائی قیمتی نسخہ " قلم بند" کیا گیا ۔ لیکن مہنگی دوا اپنا رنگ لائی اور آج علاج کے چوتھے دن میں تندرستی محسوس کر رہا ہوں ۔کل میری دوا کا آخری دن ہے ۔ انشاء اللہ کل غسل صحت منایا جاۓ گا اور ساتھ ہی آٹھ نو دن سے بڑھی ہوئی شیو کی جاۓ گی ۔

شہر محبت

2005-12-08T02:03:00.000+05:00

بہاولپور آپ کے لیے تو صرف ایک شہر کا نام ہے ۔ لیکن میرے لیے ایک ایسا لفظ ہے جو ہزاروں احساسات کو جنم دیتا ہے ۔ کبھی کبھی سوچتا ہوں کیسے سنگدل ہیں وہ لوگ جو چند مفادات کی خاطر بڑی آسانی سے اپنی جنم بھومی سے دامن چھڑا لیے ہیں ۔ یہ میرا آبائی شہر نہیں پر مجھے اپنے آباء کی طرح عزیز ہے ۔ کیوں نہ ہو ؟ اس شہر نے مجھے لمحہ پیدائش سے اب تک صرف جینے کا سامان ہیں نہیں بلکہ مخصوص انداز فکر ، سوچ ، خواہشات ، اپنے ، پر اے ، دوست ، دشمن ، ہمساے ، ہم جماعت ، اساتزہ ، شاگرد اور یہ سفید پوشی ، غرض سب کچھ ورثے میں دیا ہے ۔ یہ بھی تو ورثہ ہے جو دولت اور خاندانی نام سے زیادہ قیام پزیر ہے ۔ دولت تو آپ کو چھوڑ سکتی ہے لیکن وہ مخصوص انداز فکر نہیں جو ایک شہر میں برس ہا برس رہنے سے پروان چھڑھتی ہے اور آپ کی فطرت ثانیہ بن جاتا ہے ۔پھر تمام عمر آپ اس مخصوص انداز فکر سے دنیا کو دیکھتے ہیں اور دوسروں کو بھی اسی انداز میں سوچنے کا مشورہ دیتے ہیں ۔

کسی بھی شہر میں پنپنے والی یہ مخصوص انداز فکر شہریوں کے رویے متعین کرتی ہے ۔ اور لوگوں کے یہ اجتمائی رویے انہیں کی قسمتیں لکھتے ہیں ۔ اجتمائی رویے قدرتی یا حقیقت پر مبنی ہوں تو قسمت بنتی ہے ورنہ بگڑ جاتی ہے ۔ غلط اجتمائی رویے رکھنے والا شہر ، شہر محبت نہیں ہوتا بلکہ ایسے شہر کی ماند ہوتا ہے جسے انسانی خودغرضی نے جیتے جاگتے قبرستان میں تبدیل کر دیا ہو ۔شہر مکانوں سے نہیں ، مکینوں سے آباد ہوتے ہیں ۔ انہیں کی آمد سے بستے ہیں اور انہیں کے چلے جانے سے اجڑ جاتے ہیں ۔ یہ انسانی زندہ دلی ہے جو ایک شہر میں جان ڈالتی ہے ۔

کبھی کبھی سوچتا ہوں کہ بیتے زمانوں کے قدیم شہر محبت کتنے زندہ تھے ۔ جنہوں نے کئی ایک لازوال تہزیبوں اور مزاہب کو جنم دیا ۔ آج کے یہ جدید شہر کتنے مردہ ہیں ۔ جن کی تجوریاں روپے پیسے تو اگلتی ہیں لیکن یہاں فکروعمل کی شمعیں روشن نہیں ہوتیں ۔ دور جدید کے ان مردہ شہروں میں انسان مشین کی طرح روز وشب کام کرتا ہے اور پھر ناکارہ پرزے کی طرح ٹوٹتا ہے اور بکھر جاتا ہے ۔

ایسے انسان کو بھلا کون زندہ کہے گا ؟ جو سانس تو لے لیکن اس کا دل مردہ ہو ۔ ایسے انسان کو بھلا کون شخص کہے گا ؟ جس کی شخصیت کی خودغرضی اور لالچ نے دھجیاں بکھیر دی ہوں ۔ ایسے انسان میں روح کی موجودگی کا کون ثبوت دیگا ؟ جس کی روح کی روحانیت کو نفسانی خواہشات کی اندھی تقلید نے مجروح کر دیا ہو ۔

روح ، روح سے لگاو رکھتی ہے ۔ اسی طرح روحانیت ، روحانیت کو پہچانتی ہے اور اس سے قربت حاصل کرنے میں ایسے ایسے مقام طے کرتی ہے جن کی موجودگی کو بے روح ، نیم مردا دل کبھی سمجھ نہیں پایا ۔ جو دل ، شہر محبت میں بسی اس روحانت کو پہچانتا ہے ، ہم اسے دل بینا کہتے ہیں ۔

ایسے ہی دل بینا کو ہر انسان میں بیدار کرنے کی آس میں حضرت اقبال لکھتے ہیں

عقل گو آستاں سے دور نہیں
اس کی تقدیر میں حضور نہیں
دل بینا بھی کر خدا سے طلب
آنکھ کا نور ، دل کا نور نہیں
علم میں بھی سرور ہے لیکن
یہ وہ جنت ہے ، جس میں حور نہیں
کیا غضب ہے کہ اس زمانے میں
ایک بھی صاحب سرور نہیں
ایک جنوں ہے کہ باشعور بھی ہے
ایک جنوں ہے کہ با شعور نہیں
ناصبوری ہے زندگی دل کی
آہ ! وہ دل کہ جو ناصبور نہیں
بے حضوری ہے تیری موت کا راز
زندہ ہو تو تو بے حضور نہیں

حضرت اقبال کی اس مشہور غزل میں ناصبوری ( بے چینی ) کو دل کی زندگی کہا گیا ہے ۔ دل بینا کی ایک مخصوص خاصیت یہ بھی ہے کہ وہ اچھائی کو اپناتا ہے اور برائی سے دور بھاگتا ہے ۔ دل بینا کی یہ خواہش ہوتی ہے کہ وہ بھلائی کرے اور دوسروں کو بھلائی کرنے میں مدد دے اور برائی کو روکے اور دوسروں کو بھی برائی کو روکنے میں مدد دے ۔ کیونکہ زندگی تو یہی ہے جو بھلائی پھیلانے اور برائی ختم کرنے میں صرف ہو ۔ دل ہر وقت نیکی کرنے اور گناہ سے بچنے کے لیے بے چین رہے ۔ یہی جنوں دراصل باشعور جنوں ہے ۔

ہم میں سے کئ ایک " اہل دل " ایسے ہیں جو دنیا میں برپا فسق و فجور کو رات دن دیکھتے ہیں لیکن پھر بھی اپنے دلوں کو پرسکون پاتے ہیں ۔ اپنے دل کے اس سکون کو وہ روحانت سمجھ بیٹھے ہیں ۔ کون ہے جو ان کے " نادان دل " کو یقین دلاے کہ اس عزاب کی گھڑی میں یہ سکون روحانی نہیں بلکہ شیطانی ہے ۔

آج کی تازہ تصاویر

2005-11-28T00:12:00.000+05:00

بہاولپور کے مشہور چوک ( فوارہ چوک ) کی ایک خوبصورت تصویر ۔

اور میری بھی چند تصاویر

باعث تحریر آنکہ

2005-10-21T20:04:00.001+05:00

ایک عرصے سے میری یہ انتہائی خواہش تھی کہ میرا ایک زاتی بلاگ ہو اور وہ بھی اردو میں ۔ لیکن میں بلاگ کے ٹیمپلیٹ بنانے یا یوں کہ لیجے کہ ایچ ٹی ایم ایل کے فن سے نابلد ہوں ۔اس وجہ سے میری یہ خواہش دل میں ہی رہی ۔ سمجھ میں نہیں آتا تھا کے کیسے اور کہاں سے کام کی شروعات ہو ۔ اسی ششوپنج میں دو ماہ بیت گیے ۔ لیکن جولائی کا مہینہ میرے لیے خوش قسمت ثابت ہوا۔ وہ اس طرح کہ سپائڈر اخبار ، جس کا میں ایک عرصے سے قاری ہوں ، نے اردو کی کمپیوٹر پر ترقی کے سلسلے میں مضامین شائع کیے ۔ ان مضامین میں سے ایک میں لکھا تھا کہ آج کل اردو زبان کی انٹرنیٹ پرترقی کا زیادہ تر کام اردو بلاگز کے سر ہے اور ان اشخاص کے بارے میں لکھا گیا تھا جو مضمون نگار کے بقول اس ترقی کی کلید ہیں ۔ ایک ماہ میں ان مضامین کو نہ پڑھ پایا ۔ کیونکہ مجھے خاندانی شادیوں کے ایک نہ ختم ہونے والے سلسلے سے گزرنا پڑا ۔ بہاولپور سے ملتان کینٹ ۔ ملتان کینٹ سے سیدھا سرگودھا ۔ سرگودھا سے اپنے آبائی گاوں بھیرا ۔ بھیرا سے میانوالی ۔ میانوالی سے لاہور ۔ اور لاہور سے آخر کار اپنی جنم بھومی بہاولپور واپسی ہوئی ۔گھر پہنچ کر ان مضامین کو پڑھا اور انٹرنیٹ آن کر کے فردا فردا ان اصحاب کے بلاگز پر گیا جن کا ذکر سپائڈر میگ میں کیا گیا تھا ۔ میری خوش قسمتی سمجھ لیجیے کہ گزشتہ دو تین سالوں سے میں بی بی سی اردو سروس کے آن لائن صفحات پر جاتا ہوں ۔بی بی سی کی ویب سایٹ پر خبروں کو پڑھنے کے لیے خاص قسم کے حروف درکار ہوتے ہیں ۔ تو یہ حروف پہلے ہی سے میرے آپریٹیگ سسٹم سے ہم آہنگ تھے ۔ اس لیے اپنی زندگی کے اولین اردو بلاگز پڑھنے میں زیادہ دشواری نہیں ہوئی ۔ مجھے نہیں معلوم کہ کس طرح مزید اردو بلاگز کی تلاش کرتے کرتے میں نے اردو سیارے تک رسائی حاصل کرلی ۔ یہاں میری نظر "حارث کے ساتھ پکنک" پر پڑی ۔ "کسی" نے اچھوتا موضوع چنا تھا ۔ اور ساتھ ہی یہ خیال گزرا کہ "صاحب" رنگین مزاج بھی ہیں ۔ بعد میں معلوم ہوا کہ یہ تو قدیر احمد رانا ہیں جن کے بارے میں سپایڈر میگ میں تعریف ہوئی تھی ۔ لیکن سپایڈر میگ کا مضمون نگار ان کے بلاگ کا ہوالہ دینا بھول گیا ۔ ان کے بلاگ پر جا کر معلوم ہوا کہ قدیر بھائی معقول آدمی ہیں اور مزکورہ مضمون انہوں نے اپنے عزیز دوست حار ث کو تنگ کرنے کے لیے لکھا تھا ۔ انہیں دنوں قدیر نے " اردو میں ای میل بھیجیے" لکھا ۔ میرے لیے یہ مضمون آب حیات ثابت ہوا ۔ اپنی زندگی کا پہلا اردو برقی خط میں نے قدیر کو ہی لکھا ۔ قدیر نے میری ہر طرح سے مدد کی ۔ قدیر نے مجھ پر اعتماد کرتے ہوے مجھے اردو ٹیک کا حصہ بھی بنایا ۔ اور بڑے خلوص سے میرے بلاگ کے لیے یہ خوبصورت ٹیمپلیٹ اردو کے لیے ہم آہنگ کیا ۔

میں اپنے محسن ( قدیر احمد رانا ) کو ان الفاظ میں خراج تحسین پیش کرنا چاہوں گا ۔

تیرے ساغر نظر سے مے انبساط چھلکے

غم آرزو کی تلخی تیرے جام تک نہ پہنچے

تیرا خاور درخشاں رہے تاابد فروزاں

تیری صبح نور افشاں کبھی شام تک نہ پہنچے ( آمین )

اور چلتے چلتے بات یہاں تک پہنچی ۔ لیکن اردو کو کمپیوٹر پر لکھنا میرے لیے فی الحال مشکل ہے کیونکہ میں اردو کو بصری حروف نگار ( آن سکرین کی بورڈ ) کی مدد سے لکھتا ہوں ۔ اب تک اردو لکھنے کا کام ایسے ہی ہو رہا ہے ۔ امید ہے جلد ہی اردو ٹائپنگ بھی سیکھ لونگا ۔